«Grand Opening» av Mortholmen: – Berre ei prøvekøyring (Karmøynytt)

Sig Hansen og eventbyrået Kjentfolk Vestlandet AS førebur seg på nyopning av Mortholmen. Med den unike lokasjonen og eit engasjert team, ligg alt til rette for ein spennande sommar på den historiske holmen.

Mortholmen Sildesalteri vart bygd i 1918, og var i familien Egge sit eige frå 1931. Krabbefiskar og TV-profil Sig Hansen, kjøpte seg inn i 2020, og overtok seinare fullt eigarskap.

Mortholmen har blitt nytta som kulturhus og selskapslokale i ei årrekke, men har dei siste åra gjennomgått ei totalrenovering. No ventar generalprøva.

Torsdag 23. april inviterer Hansen og eventbyrået Kjentfolk Vestlandet AS til opningsfesten, som markerer starten på eit nytt kapittel for den historiske holmen.

– Det er berre ei prøvekøyring. Me må teste alle system; betalingsløysingar, tappetårn, kjøkken, bar. Alt må fungere, fortel Vidar Johnsen i Kjentfolk Vestlandet AS om opningsfesten.

Arrangementet 23. april er eit lukka selskap for sponsorar, partnarar, kundar og anna fintfolk, men Johnsen lovar at folk flest også skal få kome på besøk snart:

– Me kjem truleg til å invitere til ei offisiell opning før sommaren, eller ut i juni månad ein gong.

Les here artikkelen her: https://www.karmoynytt.no/grand-opening-av-mortholmen-berre-ei-provekoyring/s/5-161-58399